Ташқи реклама ва ахборот объектлари (конструкциялари)
Ташқи реклама ва ахборот объектлари (конструкциялари) хавфсизлигининг умумий техник регламентида назарда тутилган талабларга мувофиқ бўлиши керак;
Реклама жойининг паспортига мувофиқ фақат реклама тарқатиш мақсадида фойдаланилиши керак… (Янги таҳрирдаги “Реклама тўғрисида”ги Қонуннинг 5-боби).
Ўзбекистон Республикаси “Реклама тўғрисида”ги янги таҳрирдаги Қонунда ташқи рекламаларга қўйиладиган кўплаб талабларга ўзгартиш ва қўшимчалар киритилди. Жорий йилнинг 7 июнь куни тасдиқланган мазкур қонун рекламани тайёрлаш, жойлаштириш ва тарқатиш соҳасидаги муносабатларни тартибга солади.
🪧 Агентликнинг Наманган вилояти ҳудудий тузилмаси Норин туман ИИБ ҳамда туман ҳокимлиги билан биргаликда туманнинг марказий кўчаларидан бирида жойлаштирилган ташқи реклама воситаларини ўрганишди.
Ҳаққулабод шаҳарчаси марказий кўчасида жойлаштирилган ташқи реклама воситалари ўрганилди.
🪧 Ўрганиш давомида Ҳаққулабод шаҳарчасида ўзбошимчалик билан ўрнатилган ташқи реклама конструкциялари аниқланиб, тадбиркорлик субъектларига тегишли тушунтиришлар ва маслаҳатлар берилди.
🪧 Натижада мавжуд камчиликлар жойида бартараф қилинишига эришилди.
12,400
