Истеъмолчилар ҳуқуқларини ҳимоя қилиш агентлиги томонидан Жиззах политехника институти, Жиззах давлат педагогика институти ва М.Улуғбек номидаги Ўзбекистон миллий университети Жиззах филиалида “Молиявий саводхонлик” мавзусида ўқуви семинари бўлиб ўтди.
Мамлакатимиз аҳолиси бугунги кунда банк карталаридан фойдаланишга одатланишган. Сабаби ишлатиш учун фойдали ва қулай ҳисобланган банк пластик карталаридан исталган вақтда пул маблағларини ечиб олиш, хорижий мамлакатларда карта билан тўловни амалга ошириш имконияти катта. Бир сўз билан айтганда банк карта нақд пулнинг деярли ўрнини эгаллайди ва нақд пулни катта миқдорда ўзи билан олиб юришга хожат қолмайди. Рақамларга эътибор берсак, дунё 200 дан ортиқ мамлакат тўлов операцияларида банк карталаридан фойдаланмоқда.
Хўш, банк картаси нима? Одатда, карталар банклар томонидан чиқарилади. Бунда банк-эмитент картанинг эгаси олдида картага хизмат кўрсатиш бўйича мажбуриятларга эга бўлади. Банк карта нақд пулнинг деярли ўрнини эгаллайди ва нақд пулни катта миқдорда ўзи билан олиб юришга хожат қолмайди. Ўз навбатида, пулни йўқотиш хавфи ҳам камаяди.
Муайян фаолият учун ҳам мўлжалланган турли хил банк карталари: дебет. кредит, халқаро ва корпоратив банк карталари мавжуд. Кўпчиликни қизиқтирган ва ўйлантирган масалалардан бири карта воситасида амалга оширилган операцияларнинг ишончлилиги қандай таъминланиши билан боғлиқ.
Хусусан, картанинг олди тарафида эгасининг номи, картанинг рақами, амал қилиш муддати, картани берган банк номи ва тўлов тизимининг логотипи кўрсатилган. Тескари томонида эса карта эгасининг имзоси ва магнит тасмаси мавжуд. Ушбу тасма карта ҳақидаги электрон маълумотларни сақлайди. Сўнгги йилларда картага ўрнатилган чип маълумот ташувчи сифатида кенг ишлатилмоқда. Истеъмолчи ундан фойдаланганда албатта масаланинг шу жиҳатларига эътибор қаратиши зарур.
Агар карта йўқотилган тақдирда унинг амал қилиш муддатини тўхтатиш учун дарҳол банкка мурожаат қилиши зарур бўлади. Шунда, йўқотилган карта орқали амалга ошириладиган ҳар қандай операциялар блокланади ва ҳеч ким ундаги пулни ишлата олмайди. Бир неча кун ичида банк картани қайта чиқариб беради.
Ўтказилган тадбир давомида жадвал ривожланиб бораётган интернет бизнеси ва онлайн-дўконлардан товарлар харид қилиш хизматларидан тўлақонли фойдаланиш тритблари ҳақида фикрлар билдирилди.
Жамиятда юз бераётган баъзи турли шаклларда пайдо бўлаётган янги фирибгар технологиялар, схемалар, молиявий пирамидалар кабиларнинг олдини олиш бўйича тегишли тавсиялар бериб ўтилди.
2,024
