Кундалик рақамли таълим платформаси бугунги кунда ягона электрон таълим платформаси бўлиб, мактаб ўқувчилари ва уларнинг ота-оналари учун таниш. Аммо мазкур платформанинг фойдаланувчилари учун реклама, айниқса аёллар гигиеник воситасининг рекламаси қанчалик ахлоқ ва маънавиятнинг умум эътироф этилган нормаларига тўғри келади?
Мазкур ҳолат ижтимоий тармоқда, айниқса “Muxbir Daliev” телеграм (https://t.me/muxbir1) каналида танқид остига олинган.
Ўзбекистон Республикаси “Реклама тўғрисида”ги Қонуннинг асосий
вазифаларидан бири, рекламанинг давлат ва жамоат манфаатларига, ахлоқ ва маънавиятнинг умум эътироф этилган нормаларига, юридик ва жисмоний шахсларнинг ишчанлик обрўсига, атроф муҳит ҳолатига тажовузидан ҳимояланиш чораларини таъминлашдан иборатдир.
Шунингдек, ушбу Қонуннинг 6-моддасига мувофиқ, қонунийлик, аниқлик, ишончлилик, рекламадан фойдаланувчига зарар, шунингдек, маънавий зарар етказмайдиган шакллар ва воситалардан фойдаланиш рекламага доир асосий талаблардир.
Юқоридагилардан келиб чиқиб ҳамда ўсиб келаётган ёш авлодга реклама таъсирида маънавий зарар етказилишининг олдини олиш мақсадида Истеъмолчилар ҳуқуқларини ҳимоя қилиш агентлиги томонидан “Кундалик” МЧЖ вояга етмаган шахсларга мўлжалланмаган маҳсулотларнинг реклама ва маркетингига йўл қўймаслик бўйича сўров хати юборилди.
Натижада мазкур реклама “Кундалик” платформасидан олиб ташланишига эришилди.
Ҳурматли истеъмолчилар! Реклама қоидаларига мос бўлмаган рекламаларга дуч келсангиз, албатта, Агентлик томонидан яратилган
“bexato_reklama.bot” ботига мурожаатингизни қолдиришингиз мумкин.
9,367
